IP Block အသေးလေးတွေ ကို Classful Network Address တွေအစား အသုံးပြုစေခြင်းအားဖြင့် IPv4 Public Address တွေရဲ့ပမာဏကို ချောင်ချိသက်သာစေတော့ Internet ကြီးရပ်မသွားတော့ပေမယ့်လည်း ဒီအလေ့အထလေးကြောင့်မို့လို့ public subnets လေးတွေ အများအပြား Internet ပေါ်ရောက်လာစေတယ်။ ပြီးတော့ Routing Table ဟာလဲအဲဒီ အတော်များများသော route တွေအတွက် အလုပ်ပိုလာစေပါတယ်။ ဥပမာ…
ဆိုပါတော့ ကွန်တိန်နာနဲ့ ပစ္စည်းတွေထည့်ပို့ကြတယ်ပေါ့။ ပစ္စည်းပို့ချင်တဲ့သူတိုင်းကို အရွယ်တူဆိုဒ် တူ စက္ကူပုံးတွေဝေပေးလိုက်ပြီး သူတို့ပစ္စည်းကို ထုပ်ပိုးစေတယ်။ TV ထည့်ချင်တဲ့သူအတွက်ကတော့ ဒီ စက္ကူပုံးနဲ့အဆင်ပြေနေနိုင်ပေမယ့်လည်း Calculator တစ်ခုထည့်ပို့ချင်တဲ့သူတွေအတွက် စက္ကူပုံးထဲကနေရာပိုတွေ ပုပ်နေပါတယ်။ ဒါပေမယ့် ပစ္စည်းတွေသယ်ပြီးနေရာချရမယ့် လူအတွက်ကတော့ စက္ကူပုံးတွေကလဲ ဆိုဒ်တူ အရွယ်တူဆိုတော့ သူအတွက်မခက်ခဲပါဘူး။ နေရာချရတာသက်သာစေပါတယ်။နေရာပုပ်တာကလဲ ပြဿနာကြီးမဟုတ်ခဲ့သေးပါဘူး။ ဒီလိုပြေလည်နေပေမဲ့လည်း၊ တဖြည်းဖြည်း…..ပစ္စည်းပို့ချင်တဲ့သူအရေအတွက်က အဆမတန်များလာပါတယ်။ ကွန်တိန်နာကလဲရှိတာကတစ်လုံးထဲဆိုတော့ အဆင်ပြေအောင် လို့ ပို့ချင်တဲ့သူတိုင်းကို သူတို့ပို့ချင်တဲ့ ပစ္စည်း size အတိအကျဘူးလေးတွေပဲ ပေးလိုက်တဲ့နည်းနဲ့ ဖြေရှင်းလိုက်ပြီးပါပြီ။ ဒါပေမယ့် ဒီနည်းကြောင့် စက္ကူဘူးအရေအတွက်တိုးလာမှာအသေအချာပဲမဟုတ်လား။
ကွန်တိန်နာက ရှိသမျှ IPv4 Network ကြီး ၊ ပစ္စည်းပို့သူများက Internet User တွေ၊ စက္ကူပုံးအကြီးက Classful IP Network နဲ့ စက္ကူဘူးသေးသေးလေးတွေက Classless (Prefixed) Network ၊ အဲဒီစက္ကူပုံးတွေကို နေရာချပေးတဲ့လူတစ်ယောက်ရှိရင် သူဟာ Internet Router ပါပဲ။ သူ Manage လုပ်ရမယ့် စက္ကူပုံး IPv4 Network တွေ အရေအတွက်ပိုများလာမှာပါ။သူဟာတစ်ကြိမ်မှာ တစ်ပုံးပဲ သယ်နိုင်တယ်ဆိုရင် အဲဒီတစ်ကြိမ်ကို Route တစ်ခုလို့သတ်မှတ်လို့ရပါတယ်။ ဒါဆိုရင်… Internet Router အတွက် Manipulate လုပ်ရမယ့် Route တွေပိုများလာပါတော့တယ်။ ဒါတွေဟာ Classless (prefixed) စက္ကူပုံးအသေးတွေသုံးစေခြင်းအားဖြင့် နေရာပုပ်မှုကို ဖြေရှင်းလိုက်တာကြောင့်ပါ။
အဲဒီ စက္ကူပုံးအရေအတွက်အခက်အခဲ ကိုဖြေရှင်းနိုင်တာ ခုဒီခေါင်းစဉ်ပါ။ အရေအတွက်များလာတဲ့ Route တွေကို Aggregate လုပ်ပစ်လိုက်ရပါမယ်။ ပေါင်းထုပ် ဝေငှပစ်ရပါမယ်။ အောက်ကဥပမာအရဆိုရင်..။
ပုံကြီးချဲ့ကြည့်ရန် ကလစ်နှိပ်ပါ။
ဥရောပ နဲ့ တောင်အမေရိက က Router တွေဟာ IANA (Internet Assigned Numbers Authority) က ARIN (American Registry for Internet Numbers) ကို 198.0.0.0/24 ဆိုတဲ့ Block ချထားပေးတယ်ဆိုတာ သိနေကြတယ်ဆိုပါတော့။ သဘောက တောင်အမေရိက Router တွေဆီရောက်ဖို့ဆိုရင် 198.0.0.0/8 တွေပဲသုံးရမယ်ပါတော့။ အဲဒီပုံရဲ့သဘောကတော့ဗျာ၊ တောင်အမေရိက အပြင်ဘက်မှာရှိတဲ့ Router တွေက တောင်အမေရိကကို packet တွေ forward လုပ်ကြတယ်ဆိုပါတော့၊ တောင်အမေရိကမှရှိတဲ့ Router တွေကသာ ပိုအသေးစိတ်တဲ့ လမ်းကြောင်းကိုသိတယ်တဲ့။ ဒါပါပဲ။ တောင်အမေရိက Router တွေကသာ တောင်အမေရိကရဲ့ ပိုအသေးစိတ်တဲ့ Route တွေကိုသိရမှာပါ။
ဒါပဲလေ၊ကျွန်တော်ဘန်ကောက်သွားလည်တော့ ကျွန်တော့်သူငယ်ချင်းက သူ့မှာရှိတဲ့ ဘန်ကောက်သားသူငယ်ချင်းရဲ့ဖုန်းနံပါတ်ပေး လိုက်ပါတယ် ဒါပါပဲ။ ဘန်ကောက်ရောက်တော့ ဘန်ကောက်သားကပဲ လမ်းပြလိုက်ပို့တာပါ။ ကျွန်တော်သိဖို့ မှတ်ထားဖို့က ဘန်ကောက်သား ရဲ့ဖုန်းနံပါတ်ပါပဲ။ ဘန်ကောက်ကလမ်းတွေကို ကျွန်တော်မှတ်သွားစရာမလိုပါဘူး။ ကျွန်တော်ရဲ့ ဘန်ကောက် လမ်းကြောင်းတွေမှတ်ထားတဲ့စာအုပ်လေး အဖုံးမှာ ဘန်ကောက်သားဖုန်းနံပါတ်လေးမှတ်လိုက်ယုံပါပဲ။ စာအုပ်တောင်ဖွင့်စရာမလိုတော့ပါဘူး။ အထဲက မှတ်ထားတာတွေကို အပေါ်ကဖုန်းနံပါတ်လေးက တာဝန်ဝင်ယူသလို Aggregate လုပ်လိုက်တာပါ။ ဘန်ကောက်ရောက်တော့လဲ တခြားဘန်ကောက်မှာနေတဲ့ မြန်မာသူငယ်ချင်းတွေက မင်းသူငယ်ချင်း ထိုင်းကောင်ကို မေးစမ်းပါ။ ငါတို့ကို ကလပ်ခေါ်သွားခိုင်းစမ်းပါဆိုတော့။ ဘန်ကောက်သားကလဲ သူတို့ထိုင်းချင်းမေးမြန်းလိုက်တော့၊ ဟေ့ ပက်ပုံးတွေဘာတွေသွားမနေနဲ့၊ ငါတို့ အေဘက်ကကောင်တွေသွားတဲ့ကလပ်တွေကတော့ဒီနေရာ ဒီနေရာတွေပဲ။ငါတို့နဲ့လိုက်ခဲ့ဆိုပြီး ဘန်ကောက်သားကိုပါဆရာပြန်လုပ်သွားပါတယ်။ ဒါကိုကြည့်ရင်ဘယ်သူ့ဘယ်သူကမှ အသေးစိတ်မှတ်ထား သိထားစရာမလိုပဲ ကျွန်တော်တို့ကို လိုက်ပို့နိုင်တယ်ဆိုတာပါပဲ။ ကျွန်တော်သူငယ်ချင်း မြန်မာတွေ ဘန်ကောက်ရောက်ကျောင်းတက်နေပေမယ့်လည်း ဘန်ကောက်သားစစ်စစ် မဟုတ်တော့ အိမ်ရှင်လိုကယ်သားကို မေးရတာပါပဲ။အိမ်ရှင်ဘန်ကောက်သားကလဲ သူ့ထက်သိတဲ့ သူ့သယ်ရင်းကိုမေးလိုက်ယုံပါပဲ။ သူအကုန်သိမှလိုက်ပို့လို့ရတာမဟုတ်ပါဘူး။
အဲလိုပဲ၊ နောက်တဆင့်၊ တောင်အမေရိက Router တွေကိုကြည့်ရအောင်။ အထူးသဖြင့် NA-ISP1 Network ရဲ့အပြင်ဖက်က Router တွေကိုပေါ့။ ပုံမှာဆိုရင် ဘယ်ဘက်က NA-ISP2(North American ISP number 2) ပေါ့။ အဲဒီ Router က 198.133.0.0/16 ဆိုတဲ့ Route တစ်ခုရှိတယ်။ 198.133.0.0/16 ဆိုတာ NA- ISP1 ကို IANA ကချထားပေးထားတော့ NA-ISP2့ ကသိနေတယ်။ သူ့ဆီကသွားမယ့် packet တွေရဲ့ Destination တွေဟာ 198.133.0.0/16 ထဲအကြုံးဝင်ရင် NA-ISP1 ဆီပဲအကုန်ပို့ပစ်တယ်။ ဘယ် Destination အတွက်ဘယ်လမ်းကြောင်းသူမသိဘူး၊ သိစရာလဲမလိုဘူး။အဲမှာသူက 198.133.219.16/29 ဆိုတဲ့ host ကိုပို့ချင်တယ်။ဒီ host က NA-ISP1 ရဲ့ IP Block ထဲမှာအကြုံးဝင်နေတယ်ဆိုတာသူသိတယ်၊ အသေးစိတ်ကိုသူမသိဘူး။ သိဖို့လဲမလိုဘူး။ ဒါကြောင့် NA-ISP1 ကိုသူ forward လုပ်ပေးလိုက်တယ်။
နောက်ဆုံးအဆင့်၊ NA-ISP1 ထဲက Router တွေဟာ ဘယ် Router က ဒီ Destination ဆီရောက်နိုင်လဲဆိုတာသိရပါတော့မယ်။ NA-ISP1 ထဲက Router တိုးရဲ့ Routing Table မှာ 198.133.219.16/29 ကဘယ် Router မှာလဲလို့စစ်လိုက်ယုံပါပဲ။
အထက်ပါ အဆင့်တွေကိုလုပ်ခြင်းအားဖြင့် Internet Core Router တွေရဲ့Routing Table တွေ မှာ အရင်က သန်းပေါင်းမြောက်များစွာသော Route တွေကို ထောင်ပေါင်းမြောက်များစွာသော Route များအစားထိုးခြင်းဖြင့် သေးငယ်အောင်လျှော့ချပစ်လိုက်နိုင်ကြပါတယ် - Geoff Huston (Internet ကြီးထွားမှုကိုနှစ်ပေါင်းများစွာလေ့လာသူ) ဆိုတဲ့သူစာရင်းပြုစုထားတဲ့ www.potaroo.net မှာ ၂၀၀၉ ခု သြဂုတ်လအထိ BGP Route ပေါင်း ၃၀၀၀၀၀ (သုံးသိန်း) ခန့် Internet ပေါ်မှာရှိနေပါတယ်။
Ref: Cisco.Press.CCNP.ROUTE.642.902.Official.Certification.Guide.Feb.2010.
0 comments:
Post a Comment